صادق الاحمر:ما وحدة الشطرين حققها علي وأبوي عبدالله لنا به لافتخار.. والبيض يرد: ابــــوك عبدا لله عسى الله يرحمه شـيخ الجنابي والبنادق والشفار
الأحد 15 سبتمبر 2013 11:58 مساءً عدن / شعر صقر الوليدي
- زوامل في ألقاهره بين بن عمر وقيادات جنوبية وشمالية
جمال بن عمر
أنا سلامي كل واحــــد له قـــــــسم وانتـــو سلامي بالقيادات الكـــبار
اليوم جينا ألقاهره من شانــــــــــكم جينا لبا رؤية وانأ في الانتــــــــظار
حيدر العطاس
اهلاً وسهلاً وارحبو في الــــقـاهره القاهره ذي ما تعوّل عل الــــحصار
يا بن عمر خصّو لنا وش جــــــابكم وش قال لك صادق مع مولى ذمـار
...
علي ناصر محمد
يا بن عمر لاشي يغوّش خـــــاطرك ارحب على ما جيت له إلا الـــحوار
حوار صنعاء لأهل صنعاء وحـــدهم ماصحابنا قالو يبو حسـب الـــقــرار
لاانـتو تبــونا لــتـفـق با لــــتــــفــق حتى في الصـــومال ولا قـندهــــار
علي سالم البيض
من با يـــــحاور والتـــجارب عــندنا عند آل لـحمر ما سوى جحر الحمار
قد كم معانا امـــــس لــمّـا وقـّــــــعو وثـــــيقة العهد ابدلوها با لــــدمار
ما وحدة الشـــــــطرين انا حــقـقتها ضحيت بأصحابي وحققت الـــشعار
سويت حفله في وسط صنعاء اليمن نـــــهار زبطّـت الــــبراميل انتـــحار
صادق الاحمر
ما وحدة الشــــطرين حــــققها علي وأبــــوي عبدا لله لنا به لافتـــــخار
ما انتو قد اسلـــمتو علــى يداتــــنا يا البيض خـــــل الكذب خليك الـهدار
علي سالم البيض
ابــــوك عبدا لله عسى الله يرحـــمه شـــيخ الجنابي والبنادق والـــشفار
ما العـــلم والتاريخ قد له غــــــيركم اكبر مـــــكاسب عندكم فـــتنه وثـار
ون شي براسك حب عاده ما نطـحن با نــطحنه ياالشيخ صادق بالـعيار
علي عبدالله صالح
يا الـــبيض لا صادق غلـــط باحـكّمك باجـــيك باحـــكّم معي عشره ثــوار
الشــيخ صـــادق يا علي سالم لــعب من بعد ما سرتو لهف كل الـضمار
علي سالم البيض
لا عاد ابا حـــــكمك ولا با حكّــــــمك ياذي طحنت ابين ودقيتو جــــعار
تتضاربون الــفــجـر قدام البـــشـــر والليل يجمعكم قـفا ضـــرب الـنهار
علي عبدالله صالح
خافو من الله مادريتو وش حــــصل في مسجد النهدين اكــــبر انفــجار
وانتو تقولوا مــــسرحيه مــا جــــرى ما عاد بعد الانفجار الا النبـــــــــار
جمال بن عمر
يا البيض ضيّعت الزوامل كـــــلها لا تخرجونا من على خط الـــــمسار
جينا نحاوركم ونوخذ رايــــــــكم من با يحاور لا بدينا في الــــــحوار
قضيّت ابناء الجنوب الـــــشائكه لا ما لقينا حـــــلها حـــط الدمـــــــار
علي ناصر محمد
الحل عند الله وعـــندك حـــــــلها ارفع بنا تقرير واضـــح بأخــــتصار
لا مجلس الامن ارفعو وجهة نظر وكل ما شفتو بنا حــــاصل وصــــــار
ولايقع تـــقرير مـــثل الاوّلــــــي ذي في عدن سجلت وانته في المطار
حيدر العطاس
ولا ارجعو للشعب واسمع كلمـته اوبه تجيب اشخاص من خلف الستار
لا تغلطو يابن عمر في حــــــــقنا والله مــا نـــقبل بـــأيت إعـــــــــتذار
الشعب رافض والكوادر رافــضه الا بـــدوله كامــله وانــتو حـــــــرار
علي سالم البيض
ان با تقل الهرج ون با تكـــــــثره شف شعبنا اول من اتظاهر وثـــــار
رغم الحصار الخارجي والداخـــلي ثابت على مبداء ولا عــــنده خــــيار
الا بعودت دولــــــته متكامـــــــله لازم يرجـــــع قيمته والاعــــــــــتبار
